“Монгол Улсын иргэний андгай өргөх ёслол”-ыг орон даяар нэгэн зэрэг зохион байгуулж тухайн жилд 16 нас хүрч буй хүүхдүүдэд иргэний үнэмлэхийг нь гардуулдаг уламжлалтай.

Ховд аймгийн хэмжээнд 2022 онд 1451 хүүхэд 16 нас хүрч байна. Энэхүү арга хэмжээнд сургууль сургуулийн төлөөлөл болсон 200 сурагч оролцож, Монгол улсын иргэний андгай өргөн, зарим сурагчид Монгол улсын иргэний үнэмлэхээ гардан авлаа.

Энэ үеэр аймгийн ИТХ-ын дарга Г.Пүрэвганди болон зохион байгуулж буй албаны төлөөлөл хүрэлцэн ирж, мэндчилгээ дэвшүүлэн баяр хүргэлээ.

Андгай өргөх ёслолын ач холбогдлыг түүх, соёл, өв уламжлалаараа бахархдаг, Монгол гэсэн бүхнээ эрхэмлэн дээдэлсэн, эх оронч сэтгэлтэй, хариуцлагатай, дараагийн шинэ залуу иргэнээ Монгол Улс хүлээж авч буй явдал хэмээн тодорхойлсон байдаг.

Мөн аймгийн ГБХЗХГ-ын сэтгэл зүйч С.Хишигтогтох "Таны сонголт Таныг илэрхийлнэ" сэдвээр лекц хүргэлээ.